Алматы қаласы Орталық мешітінде тарауық намазы оқылды. Мешітінің бас имамы Еркінбек қари Керімбекұлы тарауыққа жиылған жамағатты құттықтап, Бас мүфти Серікбай қажы Сатыбалдыұлының құттықтауын жеткізді:
«Алла Тағала баршамызды қасиетті айға аман-есен жеткізгені үшін Оған мақтау мен мадақтар болсын. Осы айда жасалатын барша дұға-тілектерді, құлшылық пен мінәжаттарымызды Алла қабыл етсін. Сауаптары 10 еседен, 700 есеге дейін еселенетін берекелі айда салихалы амалдарды көптеп жасауымызға Раббымыз сәттілігін берсін. Сауабын Жалғыз Жаратушымыз ғана беретін оразаларымызды Алла қабыл етсін», – деді.
Сонымен қатар, Рамазан бойы Алматы қаласы Орталық мешітінде тарауық намаздарында қасиетті Құран Кәрімді хатым ететін қариларды таныстырды. Күнделікті тарауық намазында: Еркінбек қари Керімбекұлы, Ерсін Әміре, Серік Ахметов секілді қариларымыз жамағатқа Алланың Кәләмін жеткізіп, басынан аяғына дейін хатым жасайтын болады.
Пікірлер