Мамыр айының 12 жұлдызында Кіші ғылым Академиясының Республикалық деңгейдегі ғылыми-тәжірибелік конференциясы Алматы қаласы Орта-Азиялық университетінің ғимаратында өтті. Жоғары деңгейде өткен ғылыми-тәжірибелік конференцияда Республика колледждерінен 500 шақты студент өз білімдерін көрсетті, ғылым саласында алғашқы қадамдарымен, зерттеушілік тәжірибелерімен бөлісті.
Қазақ тілі бөлімі бойынша, исламтану арнайы пәні мұғалімі Мырзабаева Камила Есенгелдиевнаның жетекшілігімен колледждің 2 курс студенті Кәмила Нұрымова «Латын әліпбиіне оралудың ұтымды тұстары» тақырыбы бойынша зерттеу жұмысын ұсынып, жүлделі II орынды иеленді.
Айта кету керек, осыдан екі ай бұрын 18 наурыз күні Кіші Ғылым Академиясының Алматы облысының 11-ғылыми-тәжірибелік конференциясы өткен болатын. Осы 500-дей студент қатысқан іріктеуден Үшқоңыр медресе колледжінен 6 ұл бала, 8 қыз бала қатысып «Латын әліпбиіне оралудың ұтымды тұстары» тақырыбы бойынша тек Кәмила Нұрымова республикалық конференцияға жолдама алған болатын.
Студенттеріміздің алдағы уақытта әлі талай білім мен ғылым белестерін бағындыратынына сеніміміз мол.
Пікірлер