Атырау өңірінің өкіл имамы, "Иманғали" орталық мешітінің бас имамы Батыржан қажы Берденұлы Діни басқармадан арнайы келген қонақты мұнайлы өлкенің жамағатына таныстырып өтті. Исламтанушы Ершат Ағыбайұлы әуелі тарауих намазына жиналған жамағатты берекелі де мерекелі Рамазан айымен құттықтап өтті. Мұнан кейін "Исламдағы ізгілік, қоғамдағы тұрақтылық" жайында уағыз-насихат жүргізді. Уағыз барысында діни басқарма өкілі тыныштықтың арқасында осындай ізгілік істер мен сауапты да құлышылық амалдар жалғасып жатқанын жеткізді.