Қарағанды  қалалық «Әл Машани» мешітінің имамы Сайлау Жұмағұлұлының ұйымдастыруымен мешіт ауласында тігілген қазақы үйде арнайы дастархан жайылып,  саяси қуғын-сүргін құрбандарын еске алуға арналған рухани отырыс болып өтті.

Шара барысында Алаш зиялыларының өмір тарихы жайлы ақпараттар айтылып, нәубет жылдардың қасіреті туралы деректер тарқатылды. «Дін мен дәстүр»  бағытына сабақтасқан шара барысында мешіт жамағатына арнайы кітапшалар таратылып, уағыз-насихат айтылды.

Кеш соңында Құран оқылып,  дұға бағышталды.

Қарағанды облысы бойынша баспасөз қызметі