Жыл сайынғы игі дәстүр жалғасымен қасиетті рамазан айынан соң, сән-салтанатымен 3 күн Айт мерекесі тойланып өтті. Күллі мұсылман әлемі асыға қарсы алатын қуанышты айт мерекесінің екінші күні ҚМДБ-ның Қарағанды өңірі бойынша өкіл имамы Өмірзақ Қазкенұлына Ватикан қаласының дінаралық диалог кеңесінің президенті Кардинал Жан-Луи Торанның Рамазан айына байланысты жолдауы табыс етілді.
Барша мұсылмандардың Ораза Айт мерекесіне аман-есен жетуімен құттықтаған жолдаманы Қарағанды рим-католик епархиясының епископы Аделио Дель Оро өкіл имамға арнайы табыстап, құттықтауын ыстық ықыласпен оқып берді.
Құттықтау жолдарында: «Әлем католиктері және өзімнің жеке атымнан «Ид аль-фитр» күнін бейбітшілік пен шаттықта мерекелеуге деген шынайы тілектерімді жеткізгеніме қуаныштымын. Рамазан айында сіздер ораза ұстау, дұға ету, садақа беру, кедейлерге көмек көрсету, туған-туыстар мен достарға бару сынды көптеген діни және әлеуметтік істерді атқарасыздар. Және Папа Францискпен бірге Рамазан айының жемісі мен «Ид аль-Фитр» күнінің қуанышы сіздердің адами және рухани күштеріңізді одан әрі жетілдіре түсуіне тілек білдіреміз.»-деп, жылы лебіз білдірген.
ҚМДБ-ның Қарағанды өңірі бойынша баспасөз қызметі
[gallery link="file" columns="2" size="medium" ids="18013,18014,18015,18016,18017"]