Қарағанды өңірінде түрлі ұлт өкілдерінің мәдени бірлестіктерінің басын қосқан «Достық үйі» ашылды. «Достық үйінің» салтанатты ашылу рәсіміне облыс әкімі Н.Әбдібеков және Қазақстан халқы Ассамблеясы төрағасының орынбасары Е.Тоғжановпен бірге «Бала қажы» мешітінің бас имамы Нұров Махмұт қажы Нұрұлы да қатысып қайтты. Конференцияда этномәдени бірлестік өкілдерінің және Ассамблея мүшелерінің баяндамалары оқылды. Достық үйінде этно-мәдени бірлестіктерден бөлек, Қазақстан халқы Ассамблеясының облыстық хатшылығы орналасқан. Мұндай қоғамдық маңызды нысанды салу «Қазақстан – 2050» стратегиясында алға қойылған ұлтаралық келісімді нығайту және жаңа қазақтандық патриотизмге тәрбиелеу міндетін іске асыруға ықпал етпек. Енді түрлі ұлт өкілдері бір шаңырақ астында бірігіп қызмет атқаратын болады.

«Бала қажы» мешітінің баспасөз қызметі

[gallery link="file" ids="21675,21676,21677"]