Ауқатты кәсіпкер Әли Банат өзінің қатерлі ісік ауруынынң ең ауыр сатысында екенін білгеннен кейін жиған дүниесін қайырымдылыққа жұмсауға шешім қабылдайды. Мінгені Ferrari Spider, сонымен қоса білдей бір автомобиль паркінің қожайыны, өзінің жекежайы бар, не ішем, не жеймін, ақшаны қайда жеткіземін демей уайым-қайғысыз қам кешіп жатқан жігіт өмір сүруіне 7 ай қалды дегенді естігенде өмірі күрт өзгеріп кетті. Бизнесмен Африкада 200-ден аса жесірлерге үй мен 600-ге жуық жетім балаларға арнап жатақхана салып бермекші. Бұдан өзге Әли жергілікті жердің халқына қызмет ететін, жұмыспен қаматамасыз ету үшін аурухана мен бизнес орталығын тұрғызатынын айтты. «Алла менің өмірімнің аз қалғанын сезіну үшін, жалған дүниені тастап жалғыз мәңгілік өмірге аттанатынымды сезіну үшін бұл ауруды маған сыйға тартты. Маған жақсылық жасаудан артық еш нәрсе көмектеспейді », – дейді мұсылман жігіт.