Жәйрем кенті мешітіне темір тұлпардың сертификаты табысталды (фото)

Қасиетті мәуліт айы Жәйрем жамағаты үшін үлкен қуанышпен бастау алды. Естеріңізге сала кетсек, «Жәйрем кенті мешіті»  осыдан жиырма алты жыл бұрын, яғни 1992 жылы Жәйрем кен байыту комбинатының қаражатымен салынған болатын. Бүгінде мешіттің іші жамағатқа толып, ата-дәстүр дінімізді дәріптеп жүрген азаматтардың қатары көбейуде. Осынау имандылық ордасына «Жәйрем кен байыту комбинаты» АҚ БасқармаТөрағасы Алексей Юриович Бурковский мен «КАЗЦИНК» ЖШС-нің басшылығы келіп, мешіттің бас имамы Ақмағамбет Мүрсалі қажы Қаленұлына темір тұлпардың сертификатын табыстады.  Қызмет бабына аса қажетті көлікке ие болған шаһар қызметкерлері құлшылық орнына жасаған қайырымдылықтары үшін  кәсіп басшыларына ризашылықтарын білдіріп, алғыстарын айтты.

© 2009-2024, Қарағанды облыстық мешіті Сайт материалдарын қолдану үшін