Америкалық мұсылмандар сақтандыру құжаты жоқ адамдарға ақысыз клиника ашты

About Islam порталының хабарлауынша, Нью-Джерсиде бір мұсылман дәрігері сақтандыру құжаты жоқ америкалықтарға көмек көрсететін клиника ашып, хақ ислам ілімін таратуда.  

«Бүгіннің өзінде 15 емделушіні қабылдадық», - деді доктор Джубрил Ойейми клиниканың ашылу рәсімінен кейін.  

«Қоғамға қызмет ету Исламда аса маңызды дүние болып табылады.  Бұрын  денсаулық жәрмеңкесін ұйымдастыратынбыз, бірақ көп адамға одан да үлкен қызмет көрсету мүмкіндігі бар, одан да маңызды жұмыс жасау көкейімізде жүретін еді. Осылайша, пайда болған біздің клиника — сол ойымызды іске асырудың бір жолы болды».

«Черри-Хилл» клиникасы Қайырымдылық орталығының бір бөлігі болып табылады.  

Ойейми Нигерияда туып-өскен, Филадельфия маңындағы Линкольн университетін бітірген әрі Джефферсон университетіндегі медицина мектебіне барған. Ол медициналық клиниканың ерікті директоры болып қызмет істейді, ішкі ағзалар ауруын емдейтін медицина бойынша мамандануда, сондай-ақ, Virtual Health System желісінде штаттық дәрігер болып істейді.  

Клиника әр айдың бірінші сенбісінде таңғы сағат 9-дан күндізгі 1-ге дейін жұмыс жасайтын болады.  Медициналық сақтандыру құжаты жоқ америкалықтар үшін денсаулық сақтау үлкен мәселеге айналып кетуі ықтимал. Бұл ретте Ойеймидің айтуынша, «Камден графствосындағы адамдардың 18 пайызында медициналық сақтандыру құжаттары жоқ екен».

Көпшілікке көмектесе отырып, мешіт 10 000 доллар жинаған, бірақ жалпы көлемі 15 000 шаршы фут жерді алатын мешіттің 4 000 шаршы фут жеріне ғана клиника жабдығы орналасқан екен.

Мұсылмандардың айтуынша, олардың көздеген мұраты — медициналық сақтандыру құжаттары жоқ адамдарға көмектесу, сонымен қатар, өздерінің игі амалдары арқылы Ислам дініне шақыру.

 

 

 

 

 

 

 

© 2009-2024, Қарағанды облыстық мешіті Сайт материалдарын қолдану үшін