Желтоқсан айында елімізде Қазақстан Республикасының Тұңғыш Президенті күні және Тәуелсіздік күні мерекелері тойланады. Оған сенбі және жексенбі күндерін қосқанда, қазақстандықтар бұл айда барлығы 13 күн демалады.
Биыл 1 желтоқсан – ҚР Тұңғыш Президенті күні жұмаға келіп тұр, сол себепті қазақстандықтар 1-і мен 3-і аралығында үш күн қатарынан демалады. Бұл шарт 5 күндік жұмыс аптасына қатысты, 6 күндік режимдегілер 2 желтоқсанда жұмыс істей береді, деп хабарлайды Inform.kz.
16-17 желтоқсан – Тәуелсіздік күні сенбі мен жексенбі күндеріне түсіп тұр. Қазақстандағы мерекелік күндер туралы заңға сәйкес, мерекелік күндер демалыс күндермен қатар келсе, мерекелік күнен кейінгі жұмыс күнінде демалыс болады. Осылайша, қазақстандықтар 16-19 желтоқсан аралығында қатарынан 4 күн демалады.
Осы айдағы сенбі, жексенбі күндерін қоса есептесек, барлығы 13 демалыс күні шығады.