БАС МҮФТИ ТАШКЕНТТЕ ЕҢ ІРІ БАСПАХАНАНЫҢ БІРІНДЕ БОЛДЫ (ФОТО)

Қазақстан мұсылмандары діни басқармасының төрағасы Серікбай қажы Ораз Ташкент шаһарында орналасқан «HILOL-NASHR» атты ірі баспахананың жұмысымен танысты.

Ислам бағытында өнімдер шығаратын баспа үйінде отбасылық діни кітаптардан бөлек сенім мәселесі бойынша қоғамда туындаған сұрақтар негізінде сериялық материалдар жарық көреді екен. Сонымен қатар, баспа үйінде тіл ортылығы да жұмыс істейді.

Айта кетерлігі, баспадан жарық көрген діни туындылардың электронды нұсқасы да бар. Аталған діни өнімдер Өзбекстан мұсылмандары діни басқармасының мақұлдауынан өткен.  

Орталықтың жұмысымен танысқан Бас мүфти Серікбай Сатыбалдыұлы наиб мүфти Алау Әділбайға баспахана мен мүфтият қызметкерлері арасында тәжірибе алмасу шарасын ұйымдастыруды тапсырды.

Кездесу соңында баспахана басшылығымен бірлесе мүфтияттың жариялаған «Ислам және отбасы» жылы аясында қазақ-өзбек тілдерінде отбасы құндылығын дәріптейтін кітаптар шығару туралы уағдаластық жасалды.    

© 2009-2024, Қарағанды облыстық мешіті Сайт материалдарын қолдану үшін