Наиб мүфти Қарағандыда (фото)

ҚМДБ ның төрағасы, Бас мүфти Серікбай қажы Ораз мырзаның тапсырмасы бойынша Қарағанды облысы бойынша «Жастар ісі» секторының ұйымдастыруымен «Рухани жаңғыру жастардан басталады» атты рухани кеш ұйымдастырылып, ізгі шара барысында ауызшар дастарханы жайылды. Айтулы шара тақырыбында айтылғандай, жас лидерлердің қатысуымен жүзеге асты. Аймағымызға қарасты «Жас отан», «Жасыл ел», «Жастар саясатының» басшылары, және ақын, жазушылар бас қосты. Шара барысында айтыскер ақын Дидар Хамиев  терме айтып, қарилар Құран оқыды. Қасиетті рамазан айының қарсаңында ұйымдастырылған айтулы шарада Қазақстан мұсылмандары діни басқармасының төраға орынбасары, наиб мүфти Алау Шайқымұлы Әділбаев жастарға уағыз насихат айтып, өзінің ізгі тілегін жеткізді. Қарағанды облыстық жастар ресурсы орталығының директоры Ақжол Құрмансейіт осындай шараның ұйымдасуына себепші болған жандарға  өзінің үлкен алғысын жеткізіп, ризашылығын білдірді. Берекелі ауызашар дастарханынан соң наиб мүфти тарауық намазының алдында жамағатқа уағыз насихат айтты.                                                                                                     Сондай ақ, халықаралық балаларды қорғау күніне орай наиб мүфти  Қарағанды облыстық «Макажанов» атындағы клиникада ем алушы жеткіншектерді мерекелерімен құттықтап, сыйлықтар табыс етіп, балаларға көтеріңкі көңіл күй сыйлап, батасын берді. Бұдан соң, Қарағанды облыстық «Әнет баба»  мешіт жамағатын көркем насихатпен сусындатқан Наиб мүфти  Алау Әділбаев жамағатпен жұма намазын оқып, еліміздің тыныштығы мен дініміздің амандығы үшін дұға етті. Сондай ақ, Қарағанды  облыстық «Әнет баба» мешіті жанындағы «Олжас Есенұлы» атындағы сауат ашу орталығына барып, аталмыш білім ғимаратындағы шәкірттердің білім деңгейімен танысып қайтты.

 

© 2009-2024, Қарағанды облыстық мешіті Сайт материалдарын қолдану үшін