Стамбулдағы алып мешіттің құрылысы қашан аяқталатыны белгілі болды

Стамбул қаласының Бейоглу ауданының басшысы Иса Татлыджан жақында тілшілер қауымына Таксим алаңында салынып жатқан алып мешіт жобасы жайлы ақпараттермен бөлісті.

Айта кетейік, Стамбулдағы Таксим алаңы мен Истикляль көшесінің бойында 2013 жылы Түркия президентінің шешімімен үлкен мешіт және Ататүрік атындағы мәдениет орталығының құрылысы басталған болатын.

Жоспарда көрсетілгендей, опера, театр және кинотеатр кешендері орналасқан мәдениет орталығы келесі ашылатын болмақ. Осыған байланысты, «Таксим» мешітіндегі алғашқы намаз да 2020 жылдың алғашқы айларында оқылуы тиіс.

Иса Татлыджанның айтуынша, құлшылық ордасына келуші жамағат ол жерде тек ғибадат жасап қана қоймай, шығармашылық пен өнер туындыларымен таныса алатын болмақ. Мешіт кешенінде шеберханалар мен көрме залдары да болмақ.

© 2009-2024, Қарағанды облыстық мешіті Сайт материалдарын қолдану үшін