Имам Табараниден жеткен хадисте: «Садақа ретінде берілген бір үзім нан Алла Тағаланың алдында Ухуд тауындай үлкейеді» - деп айтылғандай  садақа, қайырымдылық мәселесі дінімізде ойып тұрып орын алады. Алла ризалығы үшін жасалған әрбір іс пен берілген затқа – садақа дейміз. Берілетін садақаның үлкен-кішісі болмайды. Не берілседе ықыласпен Алла разылығы үшін берілуі қажет.  Осы орайда Қарағанды облысына қарасты  Жаңаарқа аудандық «Халық» мешітінің ұйымдастыруымен Рамазан айының құрметіне орай 30  мұқтаж отбасына «Рамазан қоржыны» таратылды. Шараға Жаңаарқа ауданының  имамы Асхат Қанайұлы арнайы қатысып, жергілікті халықты берекелі аймен құттықтап, ыстық лебізін білдірді.