Қасиетті Құрбан айт күні Қарағанды облысына қарасты Қаражал мешітінде Ұлық мейрам өз деңгейінде өтті. Мейрам күні қаладағы көмекке мұқтаж отбасыларға қайырымдылық шарасы жүргізілді. Аймаққа қарасты аз қамтылған, көмекке мұқтаж отбасыларға құрбандық етімен қатар азық-түлік толы қоржындар үлестірілді. Осындай игі істі ұйымдастырған Қаражал мешітінің ұжымына отбасылар зор ризашылықтарын білдірді. Сауапты шараның ойдағыдай өтуіне белсене атсалысқан мешіт жамағаты, мұқтаж отбасыларға жәрдемімен қатар жылы лебіздерін де білдіріп қайтты.