ҚМДБ-ның Қарағанды облысына қарасты  Жәйрем мешітінің ұстазы Мадина Әбдібекқызының ұйымдастыруыменен   мәуліт мерекесі өткізілді. Рухани кеш барысында мешіт ұстазы кешке келген қонақтарды берекелі мейраммен құттықтап, әйелдер жамағатына уағыз-насихат айтты. Содан кейін, Бәрзәнжи мәулітін оқып, Пайғамбарымызға (оған Алланың салауаты мен сәлемі болсын) сәлем-салауаттар жолданды.  Рухани шарада аталмыш мешіт имамы  Мурсали Қаленұлы және Балғабек Әбдіқайымұлы жиналған жамағатты мәуліт мерекесімен  құттықтап, «Ислам тәрбиесі» тақырыбында уағыз- насихат жүргізді.
Кеш соңында арнайы Мәуліт кешінің құрметіне жайылған дастархан басында  Құран оқылып еліміздің амандығы мен тыныштығы үшін дұға жасалды.