«Мектепке жол» акциясы аясында «Балақажы» мешітінде қайырымдылық шара өтті.  Шара барысында мешіт имамы Махмуд қажы Нұрұлы  әлеуметтік аз қамтылған және жалғызбасты аналардың отбасыларын келе жатқан білім күнімен құттықтады. Акция барысында №4 мектеп интернатындағы   жүз алпыс екі оқушыға сөмкелер мен қажетті құрал-жабдықтар үлестірілді. Айтулы сауапты іске "Ана-Мама" қоғамдық қоры ат салысты. Білім күнінің қарсаңында өткен берекелі шараға ата-аналар шексіз ризалықтарын жеткізді.