ҚМДБ-ның Қарағанды облысына қарасты Абай аудандық орталық мешітінің имамы Асхат Қанайұлы Абай аудандық көпсалалы колледж студенттерімен кездесу ұйымдастырды. 

Кездесу барысында жастарға дәстүрлі дінімізге жат теріс ағымдардан аулақ болып, дәстүрлі дұрыс бағытта ұстану үшін ұлттық құндылықтарымызға терең бойлау керектігі тілге тиек етілді.

Сондай-ақ,  «Отанды сүю иманнан» екендігін жас буын әрдайым жадыларында ұстап, ел игілігі мен мемлекетіміздің мәртебесі үшін аянбай еңбек ету қажет екендігі туралы әңгіме етті.

Кездесу соңында жастар өздерін толғандырып жүрген сауалдарын қойып, қанағаттарлық жауаптарын алды. Бұл бағыттағы шаралар алдағы уақытта да өз жалғасын табатын болады.