ҚМДБ Төрағасы, Бас мүфти Наурызбай қажы Тағанұлының бұйрығымен Қарағанды қалалық әл-Машани мешітіне имам болып тағайындалған Мусин Сайлау Жұмағұлұлы  алғашқы жиын өткізіп, мешіт ұжымымен танысты.

Бұған дейін Әлихан Бөкейхан ауданы, Төлеутай ата мешітінде  екі жыл имамдық қызметін атқарған Сайлау Жұмағұлұлы жаңа ұжымдағы әр қызметкердің атқаратын қызметтеріне жеке-жеке көңіл бөліп, әр дін маманымен танысты. Бөлімдерге жауапты мамандардың жұмыс барысын пысықтап, мешіттің тыныс-тіршілігінен хабар алды.

әл-Машани мешіті ұжымына алғашқы жиын өткізген имам келер жылға тың жобалар мен жоспарларды жүзеге асыруды алға қойып, мешіт ұжымының алдағы қызметіне сәттілік тіледі.

ҚМДБ-ның Қарағанды облысы бойынша баспасөз қызметі