ҚМДБ-ның Қарағанды облыстық «Әнет баба» мешітінің наиб имамы Мұсабеков Нұржігіт Оразалыұлы  Қарқаралы аудандық «Құнанбай қажы» мешітінде жұма намазын өткізді.

 Пайғамбарымыздан (с.ғ.с) жеткен бір хадисте: «Күндердің ең абзалы – жұма күні. Бұл күні Адам атамыз жаратылған. Және осы күні жаннатқа кіргізілген. Әрі осы күні одан шығарылған. Қиямет те осы жұма күні болады»,-деген.

Қасиетті күні тарихи жерге келіп жұма намазын өткізген Қарағанды облыстық "Әнет баба" мешітінің наиб имамы Нұржігіт Оразалыұлы  мешітке жиылған жамағатқа «Астың адалдығы» (халал ұғымы) туралы уағыз-насихат айтып, жергілікті жамағатпен тілдесіп, жұрттың көкейіндегі сауалдарға жауап берді. Алла Тағала барлығымызға мызғымас иман, пайдалы iлiм, адал ризық, таза жүрек берiп, екi дүниеде де ізгі пенделерiнiң қатарына қосқай! Әмин!