Қарағанды қалалық «Төлеутай ата» мешітінің имамы Құрманов Серік Амамбайұлының ұйымдастыруымен мешіттің бір топ жамағатына қасиетті Ережеп  айының ауызашары берілді.

«Төлеутай ата»  мешіті ұжымы «Бірлігі жарасқан жамағат» тақырыбы аясында әр аптаның бейсенбі кеші мешітке жиналған жамағатқа берекелі дастархан жайып, рухани отырыс ұйымдастыруды үрдіске айналдырған. Бұл жолы мешітке жаңадан қызметке тағайындалған имам Серік Амамбайұлы жиналған қуымға ережеп айының қадір-қасиеті жайында уағыз-насихат айтты. Сонымен қатар, әр апта үздіксіз жасалып жүрген  Құран хатым дұғасы жасалды.

Қарағанды облысының баспасөз қызметі