Рамазан айының сүйіншісі саналатын насихат жырдың төресі, игі дәстүріміз – Жарапазанды жаңғырту мақсатында Қазақстан мұсылмандары діни басқармасы еліміздің барлық мекемелері мен тұрғындарына «Айтайық Жарапазан елімізге!» атты эстафета жарияланған болатын.

Осы орайда, Қарағанды облыстық «Әнет баба» мешітінен бастау алған эстафетаны жергілікті «Қазыбек би» және «Бала қажы» мешіттері қабыл алып, Теміртау мешіттеріне жолдады.

Он екі айдың сұлтаны болған қасиетті Рамазан айын сүйіншілеу, игі дәстүрімізді жалпы жұртқа насихаттау мақсатында қолға алынып отырған Жарапазан эстафетасы әрмен қарай Қарағанды қалалық Теміртау мешіттері мен басқа да қала, аудан мешіттерінде жалғасын таппақ.

Қарағанды облысы бойынша баспасөз қызметі