Қарағанды қалалық «Әл Машани» мешітінде санитариялық эпидемиологиялық бақылау мамандары әйелдер жамағатымен кездесу ұйымдастырды. «Әл Машани» мешітінің ұстазы, «Әйел-қыздар» секторының жауапты меңгерушісі Бақытгүл Айтқалиқызының ұйымдастыруымен өткен шара барысында мешіт шәкірттеріне екпеге қатысты ақпараттар беріліп, түсіндіру жұмыстары жүргізілді. Шараға санитариялық эпидемиологиялық бақылау департаментінің бас маманы Рашитова Ж.Т және «Қазыбек би» ауданы бойынша санитариялық эпидемиологиялық бақылау басқармасының эпидқадағалау бөлімінің басшысы Беркимбаева Жанар Жаркеновна қатысты.
Кездесу соңында мешіт шәкірттері көкейлерінде жүрген сұрақтарына жауап алды.
Қарағанды облысы бойынша баспасөз қызметі
Пікірлер