Қарағанды қалалық «Әл Машани» мешітіне арнайы азан шақыруға арналған  дыбыс ұлғайтқыштар мен жаңа құрылғылар орнатылды.  

Бұған дейін мешіт имамы Мусин Сайлау Жұмағұлұлының ұйымдастыруымен  мешітке күрделі жөндеу жұмыстары жүргізілген болатын. Күні бүгінге дейін мешіттің намазханалары, қызметтік бөлмелері мен дәлізі толықтай жөндеуден өтті.

Қазіргі уақытта мешіт жанындағы дәретхананың жөндеу жұмыстары басталып кетті.

ҚМДБ-ның Қарағанды облысы бойынша баспасөз қызметі