Қарағанды қалалық «Әл Машани»  мешітінің имамы Мусин Сайлау Жұмағұлұлының ұйымдастыруымен  қасиетті  ашура күніне орай ауыз бекіткен жамағатқа  ауызашар дастарханы жайылды.

 Рухани басқосуда мешіт имамы жиналған жамағатқа мұхаррам айындағы қаситетті Ашура күні жайында ғибратты уағыз-насихат айта келіп:

«Ашура» – «ашара», яғни, «он» деген сөзден шыққан. Мұса Пайғамбар (ғ.с.) бұл күні Алла Тағалаға шүкірлік, алғыс ретінде ораза ұстайтын болған. Ашура күні Мұхаммед Пайғамбарымыз да (оған Алланың салауаты мен сәлемі болсын) ораза ұстаған және сахабаларына да оны өсиет еткен» деп Ашура оразасы жайында мағлұмат берді.

Ауызашар соңында мешіт жамағатына мол жақсылықтар мен игіліктер тілеп, дұға жасады.

Қарағанды облысы бойынша баспасөз қызметі