Қарағанды облысына қарасты мешіттерде жылдағы үрдіс бойынша жалғасын тауып жатқан «Мектепке жол» қайырымдылық акциясы Саран қалалық мешітінде болып өтті.

Аймақтық мешіттің имамы Мұсабеков Нұржігіт Оразалыұлының ұйымдастыруымен мешітінің тізімінде тұрған әлеуметтік аз қамтылған, мұқтаж жанұялардағы балаларға сөмке, оқуға қажетті құрал-жабдықтары арнайы табысталды.

Жаңа оқу жылы қарсаңында қуанышқа бөленген балғындар мен ата-аналар өз кезегінде сауапты шараға ұйытқы болған Саран қалалық мешітінің имамы мен қызметкерлеріне алғыс-тілектерін айтты.

ҚМДБ-ның Қарағанды облысы бойынша баспасөз қызметі