Тілдік нұсқа
Радио

Жаңалықтар

Өмір біз ойлағандай емес...
27 қаңтар, 2015 жыл 10 Басып шығару нұсқасы

(мысал)



Екі періште жолға шығыпты. Бірінші күні жолаушылар бір байдың үйіне түседі. Бірақ бұл отбасы аса қонақжай болмай шығады. Олар екі жолаушы¬-періштені қонақ бөлмеге жатқызбай, жертөлеге қонуға рұқсат етіпті. Төсектерін салып, енді жатайын дегенде періштелердің үлкені қабырғадағы тесікті көріп, оны бітеп тастапты. Кішісі неге олай істегенін сұрайды. Сонда үлкені:
— Өмір біз ойлағандай емес, — деп жауап қатыпты.
Келесі күні періштелер тұрмыстық жағдайы төмен кедейдің үйіне түнейді. Үй иесі  мен келіншегі  қонақжайлылығын көрсетіп, бірге дастархан басында ас ішеді.


"Жайлы жатасыздар"- деп өз бөлмелерін босатып береді. Сосын періштелер таңата ерлі-зайыптылардың еңкілдеп жылап отырғанын көреді. Қайғырып отыруларының себебі сүтін сатып, содан табыс көріп отырған жалғыз сиыры өліп қалыпты. Сонда кіші періште үлкенінен сұрапты:

— Қалай болғаны бұл? Бірінші үй бақуатты болса да сен оларға көмектестің. Мына бейбақтар аузындағысын жырып, барымен бөлісті. Ал, сен олардың жалғыз сиырының өліп қалуына жол бердің…
— Өмір біз ойлағандай емес, — деп жауап береді ересек періште. — Біз жертөледе қонған кезде қабырға тесігінде олжа барын білдім. Онда көп алтын көмілген. Ол үйдің қожайыны бізді жөндемді күтіп алмаған соң, сол алтынды тауып алмасын деп тесікті бітеп тастадым. Келесі түні жатар кезде жарлының әйелінің жанын алмаққа Әзірейіл келді, бірақ мен оған сиырды бердім. Өмір біз ойлағандай емес. Біз бәрін біле бермейміз. Тіпті сенімі бола тұра, пенде не нәрсенің де оның игілігі үшін жасаларын түйсіне бермейді. Оны уақыт өте келе ғана түсінеді…

 

 

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары