ҚМДБ-ның төрағасы, Бас муфти Ержан қажы Малғажыұлы хазірет бекіткен атаулы 4 құжатты Қарағанды  мешіттерінде  дін қызметкерлері мен мешіт жамағаттарына, жалпы мұсылман қауымға кеңінен насихаттап келеді. Осы орайда Теміртау қалалық мешітінің бас имамы Қанат Анасұлының ұйымдастыруымен Бесін мен Құптан намаздарының алдында мешітке келген жамағатқа  «Қазақстан мұсылмандарының тұғырнамасы», «Мұсылманның тұлғалық бейнесі» атты кітаптарының  60 данасы таратылды. Ал,  Құптан намазының алдында жүргізілген уағыздардан соң,  жамағат арасында діни білімдерін қайталау мақсатында сұрақ-жауап ойыны ұйымдастырылды. Үздік жауап берген жамағаттарға бас имам атаулы құжаттардың кітапшасын таратып,  Алла Тағаладан білімнің, имамнның қайырлы болуын тіледі.