Қарағанды өңірі бойынша бас имам Өмірзақ қажы Қазкенұлының бастамасымен су тасқынынан зардап шеккен жерлестерімізге қайрымдылық көмек беру шаралары жалғасуда.
Қасиетті жұма күні Шахтинск қалалық «Нұр» мешітінің бас имамы Досбол Ыдырысұлының ұйымдастыруымен мешіт ұжымы және жамағаттары Шахан кентіне қарасты «Сегіз үй» ауылына жол тартты.
Қайырымдылық көрсету ниетімен барған халық жанашырлары ауыл тұрғындарының жағдайларын сұрап, алып барған киім-кешек, азық-түліктерін таратты.
Бас имам Досбол Сейдалиев «Сегіз үй» ауылының тұрғындарына жалпы мейрімді жандардың атынан әрдайым тілеулес екенін жеткізіп, Алла Тағаладан апатты жағдайдың соңы жақсылықпен аяқталсын деген ниетпен құран оқып, бата берді.
Пікірлер