Тамыз айының 12-сі күні Саран қалалық мешітінің бас имамы Саликов Мұхамметқали қажы әскери  бөлімшеге барып, әскерге кетуші жас өрендерге уағыз насихат айтып қайтты. Уағыз барысында Отанды сүю – иманнан екендігін, және Киямет күнінде елін күзеткен, Отанын сыртқы жаудан қорғаған азаматтың қандай дәрежеге ие болатындығы жайында насихат жүргізді.  Кездесудің басты тақырыбы «Діни экстремизм» жайын айшықтап түсіндіріп берді. Отан алдындағы борышын өтеуге арналған жас өрендер дін насихатын зор  ықылас-ниетпен тыңдады. Кездесу соңында әскери комиссариаттың қызметкерлері Саликов Мұхамметқали қажыға өз алғыстарын білдірді.

Дайындаған: Саран қаласы, ұстаз, Әбдіғали Естай