«Жас келсе – іске» деп үлкендеріміз бекер айтпаған. Жасы 23-ке енді толған наиб имам Әсет Ибраев өзінің дінге деген, халыққа деген ыждахаттылығын байқатты. Қараша айында Шахтинск қалалық «Нұр» мешітінің бас имамының уақытша міндетін атқарған наиб имам көптеген іс-шаралардың атқарылуына ұйытқы болды. Елбасымыз айтқандай: «Қазіргі қазақ жастары заманға сай, жан-жақты болуы тиіс» деген. Осы бағытты ұстанған жас наиб имам қайырымдылық шаралары, құрылыс жұмыстары, жастармен кездесу ұйымдастырды.

Мешіт жамағаты мен ақсақалдар алқа мүшесіне өзінің бір ай бойы атқарған жұмыстарын көрсету мақсатында жиын жасап, есеп берді. Мешіт ақсақалдары дән риза болып, алғыстарын білдіріп, баталарын берді.