Қарағанды облыстық орталық мешітінде қасиетті Рамазанға байланысты жыл сайын өткізілетін кезекті баспасөз-конференциясы өтті. Мешіт имамдары келе жатқан оразаның қашан басталатыны, үш күн айттың, қадір түнінің қай күнге сай келетіні, пітір-садақаның көлемі, кімдерге ораза ұстау парыз, оразаны бұзатын жайттар, қандай жағдайда ораза ұстамаса болады деген сұрақтарға жауап берді. Биыл барша мұсылман қауымы маусымның 6-нан шілденің 4-не дейінгі аралықта ораза ұстайды. Пітір садақа құны - 200 теңге. Сондай-ақ барлық қала-аудан имамдарының қатысуымен төралқа өтіп, бас мүфтидің тапсырмалары талқыланып, тапсырмалар жүктелді.
Пікірлер