Германияның протестанттар шіркеуінің басшысы, епископ Генрих Бедфорд-Штром елдің мемлекеттік мектептерінде Ислам негіздерін сабақ ретінде енгізу қажет дейді. Оның пікірі бойынша бұл мұсылман балаларына экстремистік ағымдарға қарсы тұруы үшін өз діндерін жақсы білулеріне көмектеседі. Қазіргі таңда Германияда төрт миллионға жуық мұсылман бар. Бұл жалпы халықтың бес пайызын құрайды. Мемлекеттегі елдімекендердің үштен бірінде Ислам дінінен сабақ өткізіледі.