Соңғы уақытта әлемде ушыққан террорлық әрекеттерге байланысты жапон мектептері Ислам дінінің мағынасы мен мән-маңызын мектеп оқушыларына түсіндіруді қолға алды. Елдің түкпір-түкпіріндегі мектептер оқушыларын Токиодағы ең үлкен мешітке апаруда. Бұл шара оқушыларға мұсылмандардың қалай құлшылық ететіндерін көздерімен көруге мүмкіндік беріп, Ислам туралы теріс түсінікте қалмауларына ықпал етеді. Жақын арада Жапонияның бірнеше белді мектебі оқушыларын Сингапур мен Малайзияға апармақ. Қазір Жапонияда 100 мың мұсылман болса, оның 10 мыңы – Исламды өз ерікімен қабылдаған этникалық жапондықтар.