Түркияның Муғла аймағы, Фетхие елдімекенінде 50 жастағы темір ұстасы Сүлейман Такоз үйінің бір бөлмесін мыңға жуық тәспінің көрмесі қылған.

Бұл тәспілерді 30 жылға жуық уақыт бойы жинаған. Отыз жыл бұрын досының қолындағы тәспіге қатты қызыққан ол барған жерінен, саяхат еткен елдерінен тәспі сатып алуды әдетке айналдырған. Әртүрлі тасты тәспілерді көргенде бағасы қанша болса да сатып алатынын тілге тиек еткен ол: «Қалтамда қанша ақша болса да көріп ұнатқан тәспімді сатып аламын. Кейбіреулері таныс-тамырларымның сыйлықтары. Коллекцияларымның арасында Индонезиядан келген, Иранның кәріптасынан, ұшақтың терезесінен т.б. тастар мен шынылардан жасалған тәспілер бар», - дейді ол.