Қазақстандық жасөспірімдерді соңында ажал құшқаны жеңіске жететін аты да, заты да қорқынышты ойынға баулуда. Балаларға 50 күнге 50 түрлі жантүршігерлік тапсырмалар беріліп отырады. Бірде тамырын кесу керек болса, тағы бірде шатырдан секіруі қажет. Және оны бейнетаспаға түсіру жүктеледі. Ең бірінші көршілес Ресейде бастау алған қауіпті ойын, енді бізге де келіп жетіп отыр. Ең сорақысы, Алматыда тамырын кесіп тастаған бозбалалар анықталған. Мектеп оқушыларының ермекке айналдырған тағы бір ойыны - бір уақытта теріге мұз бен тұзды қою. Ал ол теріні күйдіріп, 2- деңгейге дейін күйікке шалдықтыратын көрінеді.
Пікірлер