Тілдік нұсқа
Радио

Жаңалықтар

КЕДЕЙЛІККЕ АПАРАТЫН 7 ӘДЕТ
20 ақпан, 2017 жыл 625 Басып шығару нұсқасы

1. Жанаярлық

Кедей адамдардың көбісі жанаярлар екенін білесіз бе? Өз тағдырына өзі налып, «менің тағдырыма баю жазылмаған» деп айтудан еш жалықпайды. Қажырлы еңбек ешқашан сізді аш қалдырмайтынын ұмытпаңыз.

2. Сараң болу

Әрқашан жеңілдігі бар затқа жүгіру, акция уақытын күтіп, ақшасын артық шығармау. Сондай-ақ, балаларына да ақша аяп, сапалы білім беруін шектеу. Сараңдықтың сара жолы сізді кедейліктің дара жолына түсірмесін.

3. Ұнамайтын іспен айналысу

Мамандығыңызды сүйесіз бе? Егер ол сізге ұнамаса өмірдегі ең үлкен кедергі осы болмақ. Күн көру үшін ғана амалсыз шұғылданатын ісіңізді қойып, жаныңыз қалаған кәсіппен айналысыңыз.

4. Жұмысыңыздың нәтижесі тек ақша да емес

Қалтасына ақшасы түссе, масаттанып жүретін адам, ұзақ уақыт бақытты бола алады деп ойлайсыз ба? Табысты басқа құндылықтармен өлшейтін адам кедейшіліктен аулақ болмақ.

5. Ақшаны орынсыз жұмсау

Табысты адамдар әр ақшаның жұмсалатын орнын жақсы біледі, мақсатсыз қаржы шығындау – тек өз қалтасын ортайтқысы келетіндердің ісі.

6. Жылдам пайдаға кенелу

Әп-сәтте мол пайда көремін деу кедейлерге тән қасиет. Ертең қолыңызға түсетін ақшаны ойламаңыз, бес жылдан соң қандай деңгейге көтерілетініңізге көбірек бас қатырыңыз.

7. Шағым көп айту, әрдайым өзін өзгемен салыстыру

«Өмір қиындап кетті», «күн көру мүмкін болмай қалды» деп кімдер көп айтатынын білесіз бе? Кедейшіліктің алдында тұрған адамдар. Бәрі сізге байланысты. Өз-өзіңізді қолға алыңыз.

Өзіңізді өзгемен салыстырудан аулақ болыңыз, «ол менен ақылдырақ, ертең барып, мықты жұмысқа орналаса алады, ал мен… » деген секілді мысық-ойларға жол бермеңіз.

 

kazdala.kz

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары