Тілдік нұсқа
Радио

Жаңалықтар

БАС МҮФТИ ИСЕСКО БАС ДИРЕКТОРЫН ҚАБЫЛДАДЫ
18 қыркүйек, 2017 жыл 70 Басып шығару нұсқасы

Қазақстан мұсылмандары діни басқармасының төрағасы Ержан қажы Малғажыұлы Астанада Білім, ғылым және мәдениет істері жөніндегі Ислам ұйымының (ИСЕСКО) Бас директоры Әбдел Әзиз Ат-Туэйджри бастаған делегацияны қабылдады.
Реcми кездесуде мәртебелі мейман Қазақстанның Ислам әлеміндегі бүгінгі беделі мен рөлін айрықша атап өтті. Өз кезегінде Бас мүфти ҚМДБ-ның сан-салалы жұмыстарын баяндап берді. Сонымен қатар, Діни басқармаға қарасты оқу орындары туралы сөз болды. Басқосуда әлемдегі мұсылмандардың бүгінгі ахуалы да жан-жақты әңгімеленді.
Әбдел Әзиз Ат-Туэйджри Қазақстан Білім, ғылым және мәдениет істері жөніндегі Ислам ұйымына мүше болғаннан бері екі-жақты қарым-қатынастың арта бастағанын жеткізді. «Содан бері халықаралық деңгейде басқосулар мен конференциялар ұйымдастырылып келеді. Бұл бағыттағы жұмысымыз болашақта да жандана түседі деген сенімдемін», – деп атап өтті ИСЕСКО Бас директоры.
Мейман ҚМДБ жұмыстарын жоғары бағалап, ұйым атынан қажетті қолдау көрсетуге дайын екенін мәлімдеді.

muslim.kz

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары