Тілдік нұсқа
Радио

Жаңалықтар

Е.А. Бөкетов атындағы Қарағанды мемлекеттік университетінде «Әнет баба: ғұмыры мен заманы» кітабының тұсаукесері болды.
15 наурыз, 2018 жыл 336 Басып шығару нұсқасы

2018 жылдың 14 наурызында академик Е.А. Бөкетов атындағы Қарағанды мемлекеттік университетінде «Әнет баба: ғұмыры мен заманы» кітабының тұсаукесері болды. Тұсаукесер кітап авторларымен – Ерлан Батташұлы Сыдықов – Л.Н. Гумилев атындағы Еуразия ұлттық университетінің ректоры, тарих ғылымдарының докторы және осы университеттің әлеуметтік ғылымдар факультеті археология және этнология кафедрасының профессоры, тарих ғылымдарының докторы Жамбыл Омарұлы Артықбаевпен бірлесіп ұйымдастырылады. Тұсаукесерге көрнекті қазақстандық ғалымдар, қоғам қайраткерлері, мемлекеттік билік органдарының өкілдері қатысты. Сондай-ақ, Қарағанды облыстық "Әнет баба" мешітінің наиб имамы және "Жастар ісі" бөлімінің өкілі Мұсабеков Нұржігіт Оразалыұлы Әнет бабаның ғұмырнамасына тоқталып, ірі тұлғаның қазақ еліне салып кеткен өзіндік орнын айтты. Жарыққа шыққан  кітап қазақтың тарихи тұлғалы қайраткері, заңгері, өз дәуірінде «билердің биі» атанған ғалым, мемлекет қайраткері, қазақ мемлекеттілігінің таңында сот практикасының құқықтық актілерін әзірлеуге лайықты үлес қосқан көрнекті тарихи тұлға Әнет баба Кішікұлының өміріне арналған. Ол өзінің туған жерінің еркіндігі, тәуелсіздігі, халықтың бірлігі мен ынтымағы үшін күресті. Осындай ізгі қасиеттері үшін халқы ол кісіні ел ақсақалы ретінде құрметтеп, Әнет баба атап кеткен екен. Кітаптың тұсаукесері аясында Е.А. Бөкетов атындағы Қарағанды мемлекеттік университетінің Қазақ жазуын латын графикасына аудару орталығының ашылуы болды. Университет қонақтарына экскурсия ұйымдастырылды.

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары