Мекке қаласындағы Зәм-зәм құдығы Рамазан айына дейін толық жөндеуден өтіп, қолданысқа берілетін болады. Айта кетейік, қасиетті құдыққа жөндеу жұмыстары былтырғы жылдың қазан айында басталған болатын.

Қасиетті қос мешіт істері жөніндегі президент Абдуррахман Әл-Судейстің айтуынша, модернизациялау жөніндегі жоба аясында атқарылуға тиісті жұмыстардың бірінші кезеңі – осы Зәм-зәм құдығына жету жолдарының жеңілдетілуі. Осы мақсатта Зәм-зәм құдығына шығыс тараптан бес көпір орнатылған.