Бүгін Қарағанды облыстық «Әнет баба» мешітінде қасиетті Рамазан айының келуіне байланысты кезекті төралқа жиыны болып өтті. Аталмыш кездесуде Қарағанды облысы әкімінің орынбасары Аймагамбетов Асхат Қанатұлы, Қарағанды облысының дін істері басқармасының басшысы Бикенов Нурлан Рахметуллинович, ҚМДБ-ның Қарағанды облысының бас имамы Бекқожа Өмірзақ  қажы Қазкенұлы, Қарағанды облыстық «Әнет баба» мешітінің бірінші наиб имамы Кәрсембай Дархан Асылтайұлы және облысқа қарасты қала аудан имамдары мен ұстаздары, бөлім меңгерушілері қатысты. Алқалы жиында  ҚМДБ-ның төрағасы, бас мүфти Серікбай қажы Ораз мырзаның  Рамазан айына байланысты берген кезекті тапсырмалары назарға алынып,  дін қызметкерлеріне алдағы қасиетті айды жоғfры деңгейде өткізу мақсатында көптеген тапсырмалар жүктелді. Берекелі айда атқарылатын іс шаралар талқыға салынды.