«Жүрек жылуы» қайырымдылық шарасының аясын кеңейту мақсатында Қарағанды қаласының мешіттері, «Зекет» корпоративтік қоры, «Ana-mama» қоғамдық қорының еріктілер тобы бірлесіп, төтенше жағдай кезінде уақыт талғамай ел қамында жүрген жедел жәрдем мекемесі қызметкерлеріне ыстық тағамдар үлестіруді қолға алды. Игі жобаның басында жүрген бас имам Өмірзақ қажы Қазкенұлы халық игілігіне қызмет етіп жүрген азаматтармен сұхбаттасып, «Біз біргеміз» акциясының аясында өткізіліп отырған қайырымдылық шараның мақсатын түсіндіріп, сабырлық пен сауаптың маңызы турасында насихат өрбітті. Осы негіздегі сауапты іс карантин кезінде уақыт талғамай халыққа қызмет етіп отырған өзге де орындарға жалғасын табады.