Қарағанды облысының бас имамы Өмірзақ қажы Қазкенұлы арнайы қызметтік сапар бойынша Шахтинск қаласына  ат басын бұрды.  Аймақтағы «Нұр» қалалық мешітінің имамы Әсет Ибраев  облыс бас имамына мешіттің бүгінгі тыныс-тіршілігін таныстырып, жаңалығымен бөлісті. ҚМДБ-ның отыз жылдығына орай «отыз жылда отыз игі іс шара» аясында Шахтинск қалалық «Нұр» мешіті бірнеше жөндеу жұмыстарын жүзеге асырған. Атап айтқанда, мешіттің жылу құбырлары ауыстырылып, жарық беру құрылғыларының қуаты арттырылған. Ғимараттың аумағы толықтай қоршалып, көлік тұрақтары жасалынған. Сондай-ақ, мешіттің асханасы да күрделі жөндеуден өтті.

ҚМДБ-ның Қарағанды облысы бойынша баспасөз қызметі