Қарағанды облысының бас имамы Өмірзақ қажы Қазкенұлы бастаған дін қызметкерлері Тұңғыш Президенттің тарихи-мәдени орталығында болды.
 
Өмірзақ қажы Қазкенұлымен бірге ҚМДБ-ның Шариғат және пәтуа бөлімінің меңгерушісі Сансызбай қажы Құрбанұлы, және өңірімізге қарасты қала, аудан имамдары мұражай залдарын аралап, соның негізінде еліміздің Тұңғыш Президенті Нұрсұлтан Назарбаевтың өмірбаянымен етене танысты.
 
Тұңғыш Президенттің тарихи-мәдени орталығы Теміртау қаласында 2011 жылы Мемлекет басшысының қатысуымен ашылған болатын. Бұл орталық 6 көрме залынан тұрады: «Уақыт ағымында», «Қазақстан жолы», «Қазақстанның құрыш келбеті», «Тұлғаның ерен қабілеті», «Тәуелсіз Қазақстан», «Өз заманының перзенті».