Қарағанды облыстық «Әнет баба» мешітіне қарасты қалаларда «Ислам - ынтымақ діні» атты рухани кездесулер өтті (фото)

  -   Берекені бетке ұстаған ел болу үшін мемлекетке татулық қажет. Ынтымағы жарасқан ел қашанда өзгелерден оқ бойы озық тұрады. Ал әр мемлекет отбасыдан құралады. Соның ішінде отбасының ынтымағы мен жарасымы әйел адамға тікелей байланысты. Ұлттың ұйытқысы, салт-дәстүрді ұрпақтан-ұрпаққа жеткізуші, қоғамның іргетасы, әрбір ошақтың шырағы – әйел заты болғандықтан, болашақ ана атанар аруларымыздың тәрбиесі мен дүниетанымын дұрыс қалыптастыру үлкен жауапкершілікті қажет етеді.

Осындай ұстанымды ту еткен ҚМДБ «Насихат және қоғаммен байланыс» бөліміне қарасты Қарағанды қаласы «әйел-қыздар» секторының басшысы Бакирова Арай Серғалиқызы мен Жезқазған қалалық мешітінің ұстазы Талипбекова Рахима ұстаздың ұйымдастырумен «Ислам және отбасы» жылы аясында Қарағанды облысы бойынша Абай, Жезқазған және Жаңаарқа қалаларында «Ислам - ынтымақ діні» атты тақырыпта әйел жамғаттарына арналған рухани іс-шара ретінде уағыз-насихаттар айтылып, кездесулер болып өтті.                                                 

 Осы кездесу аясында салт-дәстүр, әдет-ғұрыптарымызды насихаттай отырып, Отанды сүюдің маңыздылығын және келешек ұрпақты отан сүйгіштікке, ынтымаққа  баулудың аса маңыздылығы  жайында аят, хадистерден сілтеме жасай отырып, кең көлемде уағыздар айтты. Сонымен қатар, дін мен дәстүр, бүгінгі таңдағы діндегі адасушылықтар туралы да кеңінен түсіндірілді. Адамның рухани құлдырауының нәтижесінде қоғам мен отбасы арасында көптеген қиындықтар туатынын айтты. Жастарды ақ пен қараны ажырата білуге шақырып, еліміздің тыныштығына, бірлігіне үлес қосуға шақырды.                  

Шара соңында қыз-келіншектерге ұстаздар мұсылман арасындағы бауырмашылдықты сақтай отыра көп ұлтты мемлекетіміз бүгінгідей бейбіт өмірде, рухани үйлесімде дами беруіне, Алла Тағала егеменді, тәуелсіз Отанымыз – Қазақстанда әрдайым тыныштық, бірлік, ынтымақ болуына, бір жеңнен қол, бір жағадан бас шығарған ынтымағы жарасқан ел болуға шақырды.    

 

Қарағанды облысы «Әнет баба»  мешітінің  баспасөз қызметі

© 2009-2018, Қарағанды облыстық мешіті Сайт материалдарын қолдану үшін