«Әйел қыздар» секторының өкілі жастармен кездесу барысында бірнеше мәселелерді талқылады (фото)

ҚМДБ ның Қарағанды облысы бойынша «Әйел қыздар» секторының өкілі әрі Қарағанды облыстық «Әнет баба» мешітінің ұстазы Бакирова Арай Серғалиқызы жас өспірімдер, оқушылар және студенттер арасында кездесу ұйымдастырды. Қазіргі қоғамдағы маңызы бар мәселелерді басты назарға алған бұл кездесу бірнеше тақырыптарды талқылады. Атап айтқанда «Дін елімнің діңгегі», «Исламдағы бала тәрбиесі» және  «Қыз тәрбиесі – болашақ ұлт дәрбиесі», «Жат ағым – жат дүние» тақырыптарында өткен діни іс шаралар Жәйрем және Қаражал елдімекендерінде болып өтті. Бұл өзекті тақырып аталмыш аймақтардың балабақша, мектеп және колледж студенттері және оқытушылармен кездесу барысында талқыланып, өзекті мәселелер қозғалды. Кездесу барысында Арай серғалиқызы іс шараның бағдарламасымен таныстырып, жастарға аталмыш мәселелер бойынша түсіндірме жұмыстарын жүргізіп, баяндама оқыды, сұрақтарға жауап берді. Осы тақырып бойынша оқушыларға сұрақтар қойылып, жастар өз ойларымен бөлісті. Қазақстаның болашағы - жастарымызды өзге діндердің бұғауына түсіп кетпей, саяси сауатты, ынтымақ пен бейбітшіліктің тірегі, өз елінің ұлтжанды азаматтары болуға тәрбиелеу қажет.

© 2009-2024, Қарағанды облыстық мешіті Сайт материалдарын қолдану үшін