Мауліт айының құрметіне Қарағанды қалалық "Әл Машани" мешіт асханасында рухани кеш өтті. Бас имам Қабылбек Әліпбайұлының ұйымдастыруымен өткен кеште Мәуліт шариф оқылып басталды. ҚМДБ-ның өкіл имамы Өмірзақ қажы Қазкенұлы жамағатты мәуліт айымен құттықтап, осы айдың ерекшеліктері турасында насихат айтты. Араб ұстаз Мухаммад жамағатқа тәлімді насихаттар айтып, Бас имам Қабылбек Әліпбайұлы уағызды қазақ тіліне аударды. Жамағаттың өзара тұтастығын арттыратын рухани кеш  соңы Құран оқып бата жасаумен аяқталды.