ИП «КЕРЕМЕТ» ет дүкеніне халал сертификаты берілді(фото)

Қасиетті Құрани Кәрімде Алла Тағала :«Ей, мүміндер, сендерге ризық ретінде бергенімнің тазасынан жеңдер» («Бақара» сүресі, 172-аят)  - деген. Халал ас – жан азығы. Ислам дінінде әр мұсылман халал мен харамға көңіл бөлуге міндетті.
 Қарағанды облысына қарасты Бұқар жырау ауданы, Ғ.Мұстафин ауылында орналасқан ИП «Керемет»   ет дүкеніне «мал бауыздау және ет өңдеу», «Халал» өнімдерін өндіруге, дайындауға, сақтауға, тасымалдауға және сатуға қойылатын жалпы талаптар стандартына сай екендігін растаитын куәлік берілді. Дүкен, «Корниенко» 18  мекен-жайында орналасқан.  ҚМДБ-ның  өңірлік жауапты өкіл Ысқақ Абдрахманов мекемеге тексеріс жұмыстарын жүргізіп, күмәнді деп танылған өнімдер мен тағамдық қоспалар лабораториялық зертханаға жіберілді. Барлық қызметкерлердің жұмыс жасау барысы, санитарлық тазалық шарттарын сақтауы, шариғат талаптарына сай емес өнімдерді қолданбауы, мекемеге шикізат өнімдерін тасымалдаушы кәсіпорындардың құжаттары, техникалық құрал-жабдықтардың стандарт талаптарына сай жабдықталуы, қаптамалардың адам денсаулығына зиянды болмауы секілді өнім өндіруден бастап тасымалдап сатуға дейінгі барлық процесс тексерілді. 
«Адал асты іздеу – әрбір мұсылманның міндеті». Осындай сауапты да берекелі кәсіпті бастаған кәсіпкерлерге еңбекте жеміс тіледік. Амин

© 2009-2024, Қарағанды облыстық мешіті Сайт материалдарын қолдану үшін