ҚМДБ ның Қарағанды облысы бойынша "Жастар ісі" секторы және "Зекет" қорының ұйымдастыруыменен «Құлыншақ» балалар үйінің жиырмаға жуық тәрбиеленушісі Қарағанды облыстық «Әнет баба» мешітінде қонақта болды. Мешіт ғимаратының қыр сырмен танысып, Алла үйінде экскурсия жасады. Сондай – ақ, оларға мешітімізде арнайы дастархан жайылып, Қарағанды облыстық «Әнет баба» мешітінің бас имамы Өмірзақ қажы Бекқожа мырза  уағыз насихат айтты. Құран оқылды, бата берілді. «Жетім көрсең жебей жүр» деген атамыз қазақ. Ардақты пайғамбарымыз с.а.с бір хадисінде «Мен және жетімге қамқоршы болған адаммен жұмақта мынадай (бірге) боламыз» деген. Ендеше, осы сүйікті елшіміздің с.а.с өсиетін орындап, ата ананың қарауынсыз қалған жас балаларға өз қамқорлығымызды аямай, тіреу  болайық.