Қарқаралы қалалық «Мәди Бәпиұлы» мешітінде сенбілік жұмыстары ұйымдастырылды. Тазалыққа мән беруді көздеген бұл игі іс мешіт ұстаздарының бастамасымен жүзеге асты.

Іс-шараға жазғы сауат ашу курсының шәкірттері белсене атсалысып, мешіттің ішкі аумағы мен сыртқы аулаларын тазартуға үлес қосты.

Аталған сенбілік шәкірттерге ұқыптылық пен тәртіптің маңызын ұғындырып, тәрбиелік мәні зор іс-шара ретінде өтті. Ұстаздар тазалықтың діндегі орнына тоқталып, «Тазалық – иманның жартысы» екендігін жамағатқа еске салды.